第一次養寵物？新手必學的7個貼心照顧小技巧！

1. 了解你的毛孩品種與需求

養寵物唔係「揀個得意就得」咁簡單！唔同品種嘅狗狗貓貓，性格、活動量、護理需求都好唔同。有啲超黐人、有啲超獨立；有啲要每日放電兩小時、有啲就鐘意hea。養之前了解清楚，先至唔會中伏～

2. 準備基本用品：毛孩迎新大禮包

新手主人必備清單！食具、水碗、床墊、廁所、尿墊／砂盆、玩具、項圈、牽繩、清潔用品通通要準備。特別提醒：唔好一開始買太多，先觀察下佢嘅習慣，再慢慢補貨就得。

想知附近寵物店有咩啱買？Doki App幫你搵到就近優質商戶，網上落單、門市自取，方便到飛起～

3. 建立規律作息：時間表唔係凈係俾人用㗎！

毛孩其實超愛「Routine」！每日定時食飯、散步、玩耍、瞓覺，會令佢哋更有安全感，情緒更穩定，主人都可以輕鬆啲。

特別係初來報到嘅新成員，一套清晰嘅生活節奏會令佢好快適應新環境～亂七八糟嘅生活只會令佢焦慮爆走！

4. 給予正向鼓勵：毛孩都鍾意人讚！

當毛孩做啱嘢，例如喺啱位去廁所、唔亂吠、學識指令，一定要即刻讚佢！用溫柔語氣、摸頭、甚至小零食獎勵都得。

正向鼓勵會令佢知道「原來咁做會開心」，好快就建立好習慣～千祈唔好用鬧或打嘅方法，只會嚇親佢。

5. 社交訓練不能少：從小見大毛孩

唔好等毛孩長大先嚟社交訓練！由細接觸唔同人、狗狗、環境，可以預防未來出現膽小、攻擊性或過度保護主人等問題。

帶佢去狗公園、寵物café、或者報名基本行為訓練班都係好選擇～記住循序漸進，唔好逼佢硬上！

6. 定期健康檢查：毛孩都要有醫療紀錄

每年都要帶毛孩做一次身體檢查＋打針，仲要定期做除蚤同驅蟲。病痛有時睇唔出，早發現先可以早處理。

7. 打造安全舒適的生活空間

收起危險物品（電線、藥物、人類食物）、遠離毒性植物，打造一個毛孩友善空間～可以準備佢專屬嘅床窩、餐位、玩具區，令佢覺得「呢度係我嘅家」。

小建議：用圍欄分出一個安全區域，特別係你唔喺屋企時，可以減少毛孩出意外嘅風險。